Модрич "Евро-2024" турнири асосий фаворити ҳақида гапирди

Хорватия терма жамоаси сардори Лука Модрич "Евро-2024" турнири доирасида шанба кунги Испанияга қарши ўйин олдидан фикрлари билан ўртоқлашди. 

"Аввало, Испания турнирнинг асосий фаворити. Жамоада иқтидорли футболчилар кўп. Асосан, "Барселона" ва "Реал" Мадриддан ҳамда Ла Лигада ўзини кўрсата олган бошқа ёш футболчилардан иборат таркиб йиғилган. Бош мураббий ҳам бир қанча ўйинчиларни синовдан ўтказган ҳолда таркибга жалб қилган. Иқтидор ва тажриба хилма-хиллигига эга жамоа. 

Бу дуелда бизга жуда қийин бўлади, аммо биз қўлдан келганча ҳаракат қиламиз. Агар ўйлаган режаларимизни амалга оширолсак, ижобий натижага эришамиз", - деди Модрич.