Modrich: Futbol har doim ham mehribon emas

Luka Modrich Italiya bilan o‘yindan so‘ng o‘z his-tuyg‘ulari bilan o‘rtoqlashdi. 

Xorvatiya 90+8-daqiqada gol o‘tkazib yubordi va Italiya bilan durangga imzo chekdi. Ayni vaqtda ular "B" guruhida 3-o‘rinni band etib turibdi. 

- Vaqti keladi va men to‘xtashim kerak bo‘ladi. Biroq hali qachonligini bilmayman. Hozircha davom etaman, ammo iltifotlar uchun rahmat. 

- Bugun futbol biz uchun shafqatsiz edi. Albaniya bilan bellashuvda ham so‘nggi daqiqalarda gol o‘tkazib yubordik. Futbol gohida quvonch, goh esa qayg‘u keltiradi. 

- O‘zingizni qanday his qilyapsiz?

- Albatta, tiklanishimiz kerak. Balki natija adolatsizdir. Sababi, biz bellashuv boshidanoq kurashdik. Futbol har doim ham mehribon emas. Shunday bo‘lsa-da, biz vatanimiz uchun kurashganimiz bilan faxrlanishimiz kerak.