Модрич: Футбол ҳар доим ҳам меҳрибон эмас

Лука Модрич Италия билан ўйиндан сўнг ўз ҳис-туйғулари билан ўртоқлашди. 

Хорватия 90+8-дақиқада гол ўтказиб юборди ва Италия билан дурангга имзо чекди. Айни вақтда улар "B" гуруҳида 3-ўринни банд этиб турибди. 

- Вақти келади ва мен тўхташим керак бўлади. Бироқ ҳали қачонлигини билмайман. Ҳозирча давом этаман, аммо илтифотлар учун раҳмат. 

- Бугун футбол биз учун шафқатсиз эди. Албания билан беллашувда ҳам сўнгги дақиқаларда гол ўтказиб юбордик. Футбол гоҳида қувонч, гоҳ эса қайғу келтиради. 

- Ўзингизни қандай ҳис қиляпсиз?

- Албатта, тикланишимиз керак. Балки натижа адолатсиздир. Сабаби, биз беллашув бошиданоқ курашдик. Футбол ҳар доим ҳам меҳрибон эмас. Шундай бўлса-да, биз ватанимиз учун курашганимиз билан фахрланишимиз керак.