Modrich "Milan"ga transferi haqida: "Bu erda ekanligimdan juda xursandman"

"Milan"ga tibbiy ko‘rikdan o‘tish uchun kelgan xorvatiyalik yarim himoyachi Luka Modrich italiyaliklar safiga o‘tishi haqidagi his-tuyg‘ularini baham ko‘rdi.

- Bu erda ekanligimdan juda xursandman, yangi sinovlarni intizorlik bilan kutyapman. Suhbatlashish uchun hali vaqtimiz bo‘ladi, - dedi Modrich.

Avvalroq xabar qilinganidek, Modrich "Milan" bilan bir yillik shartnoma bo‘yicha kelishuvga erishgan. Bunga qadar xorvatiyalik futbolchi 13 yil davomida "Real Madrid" sharafini himoya qilib, 4 marta Ispaniya chempioni unvonini qo‘lga kiritgan va 6 marta Chempionlar Ligasida g‘alaba qozongan.