Modrich terma jamoadagi faoliyatini yakunlaydimi?

Xorvatiya terma jamoasi sardori Luka Modrich terma jamoadagi kelajagi borasida bir qarorga keldi. "24Sata" nashri xabariga ko‘ra, 37 yoshli yarim himoyachi “shaxmatchilar” safida o‘ynashda davom etadi.

Manbaga ko‘ra, Modrich kelasi yozda bo‘lib o‘tadigan Evropa chempionatida terma jamoaga yordam berishni rejalashtirgan. Lukadan tashqari Perishich va Domagoy Vida ham terma jamoadagi faoliyatini davom ettirish qarorini qabul qilishgan.

Eslatib o‘tamiz, Xorvatiya terma jamoasi Millatlar ligasi finalida Ispaniya terma jamoasiga qarshi maydonga tushdi. Uchrashuv 0:0 hisobidagi durang bilan yakunlandi va penaltilar seriyasida “qizil furiya” g‘alaba qozondi.