"Монако" футболчиси учун "Манчестер Сити" ҳам курашга қўшилди

"Монако" хавбеки Юри Тилеманс "Манчестер Сити"нинг қизиқишлар доирасига кириб қолди.

Sportsmole нашрининг хабар беришича "шаҳарликлар" раҳбарияти 22 ёшли бельгиялик футболчини сотиб олиш масаласини аллақачон муҳокама қилиб бўлган.

Эслатиб ўтамиз, бундан аввалроқ Тилемансга "Манчестер Юнайтед" ҳам қизиқиш билдираётгани ҳақида хабарлар тарқалган эди.

Маълумот учун, Тилеманс жорий мавсумни “Лестер” сафида ўтказди ва ўз навбатида “тулкилар”га ҳам маъқул келиб қолди. Энди улар ҳам Юрини сотиб олишга ҳаракат қилиб кўришади.