"Монако" "Реал" кўзлаётган футболчи билан шартнома имзолади

"Монако" клуби ўзининг расмий сайти орқали ҳимоячи Бенуа Бадьяшил билан амалдаги шартнома узайтирилгани ҳақида эълон қилди.

Юқоридаги манбаага кўра томонларнинг янги келишуви 2024 йилга қадар имзоланган.

Қайд этиш лозимки, 18 ёшли франциялик футболчига “Реал” Мадриддан қизиқишлар мавжуд эди.

Маълумот учун, Бадьяшил “Монако” тарбияланувчиси ҳисобланади. У асосий жамоада 2018 йил дебют қилган. У ўтган давр мобайнида жами 40 та ўйинда майдонга тушди ва 1 та гол ҳамда 1 та голли узатмага муаллифлик қилди.