Морено 2024 йил учун режаларини ошкор қилди

Супер енгил вазн тоифасида собиқ UFC чемпиони Брандон Морено шу йил охиригача чемпионликни қайтариб олишни кутаётганини айтди.

“UFC Ройвал билан бўлган жангимиз ғолиби чемпионлик имкониятини қўлга киритишига ишора қилмоқда, аммо улар буни тўғридан-тўғри айтишмайди. Агар ғалаба қозонсам, дивизионда бошқа даъвогарлар қолмайди. Манел Капа ва Муҳаммад Мокаев ҳақида гапириш мумкин, аммо иккаласининг позицияси ҳозирча заиф. Менинг режам – 24 февраль куни Ройвални мағлуб этиш, кейин эса сентябрда Мексикадаги турнирда Пантожа билан жанг қилиш. Албатта, режаларим ҳар доим ҳам мен хоҳлагандек бўлавермайди, лекин мен ҳаракат қиламан", — дея Моренонинг сўзларини келтиради ММА Mania.