Моуриньо: “Биз ЕЧЛ қироллари билан ўйнаймиз”

"Бенфика" бош мураббийи Жозе Моуриньо Чемпионлар лигаси плей-офф босқичига қуръа ташлаш маросимига муносабат билдирди.

"Бизда фақат иккита вариант бор эди: "Реал" ёки "Интер". Танлов унчалик катта эмас эди. Бизга қирол тегди. Ўтган куни "Реал" футболчиси ўйиндан кейин менга футболкасини таклиф қилганида, "Бенфика" футболчиларига "қаймоқранглилар"нинг енгига тақиладиган эмблемани ҳазил тариқасида кўрсатгандим. Уларнинг Чемпионлар Лигаси кубоклари 15 та... Улар - қироллар.

Бу шунчаки тарих эмас. Биз, албатта, турнир ғолиблиги учун асосий даъвогар билан ўйнашимиз керак. Аммо унгача бизда яна учта ўйин бор ва айнан уларга эътибор қаратишимиз керак", - дея Моуриньонинг сўзларини келтиради Марcа.

Чемпионлар лигаси умумий босқичининг 8-туридан ўрин олган ўйинда "Бенфика" "Реал"ни 4:2 ҳисобида мағлубиятга учратди. Жамоаларнинг плей-офф босқичидаги илк учрашуви 17 февраль куни, жавоб учрашуви эса 25 февраль куни бўлиб ўтади.