Mourino: Bugun hamma narsa bizga qarshi edi

"Roma" bosh murabbiyi Joze Mourino jamoasining Evropa ligasi doirasida Bolgariyaning "Ludogorets" klubiga qarshi o‘yinidagi omadsizligi borasida gapirdi.

Konferentsiyalar ligasining amaldagi g‘olibi Bolgariyada 1:2 hisobida mag‘lub bo‘ldi.

“Yaxshi o‘yin ko‘rsatdik demoqchi emasman, chunki bu to‘g‘ri emas, lekin yutqazmaslik uchun etarli harakat qildik deya ayta olaman. Bizda gol urish uchun imkoniyatlar bo‘ldi, ammo ulardan etarlicha foydalana olmadik. Bugun hamma narsa bizga qarshi edi deb aytsam ham bo‘ladi.

Yaxshiyamki, bu pley-off emas. Oldinda guruhdan chiqishimiz uchun bizni yana beshta o‘yin kutib turibdi. Keyingi hafta bo‘ladigan bellashuvda bizga faqat g‘alaba kerak”, - dedi portugaliyalik mutaxassis.