Моуриньо "Бёрнли"га қарши ўйинда дубль қайд этган Бэйл ҳақида нималар деди?

“Тоттенхэм” бош мураббийи Жозе Моуриньо бугун “Бёрнли” (4:0) устидан қозонилган ғалабадан сўнг ушбу ўйинда дубль қайд этган Гарет Бэйл ҳақида гапириб ўтди.

“Бу жорий мавсумдаги энг яхши Бэйл эди. У ўзига ишонган, жуда яхши ҳолатда ва ўзини жуда яхши ҳис қилмоқда. Мен жамоамдан хурсандман. Бэйл ҳақиқатан ҳам "Тоттенхем" мухлисларига қувонч бахш этмоқчи, бу унинг учун алоҳида аҳамиятга эга жамоа”, - деди португалиялик мутахассис.

Эслатиб ўтамиз, Бэйлнинг трансфер ҳуқуқи “Реал”га тегишли ва у жорий мавсумни “Тоттенхэм” сафида ижарада ўтказмоқда.