Моуриньо даҳшатли камбэкдан сўнг нималар деди?

Англия Премьер-лигаси 5-туридан ўрин олган учрашувда "Тоттенхэм" ва "Вест Хэм" жамоалари ўзаро куч синашди. Драматик кечган баҳс 3:3 ҳисобида якунланди. Ўйиндан сўнг мезбонлар устози Жозе Моуриньо ўз фикрларини билдириб ўтди:

"Ишониш қийин, аммо бу ҳақиқат. Биз ўз қўлимизда турган 2 очкони бой бердик. Футболдаги баъзи вазиятларни сўз билан тушунтириш жуда мушкул. Биз 3 та гол фарқи билан олдинда бўла туриб, очко йўқотдик. Бу биз учун жуда жиддий жазо

Йигитларнинг руҳий ҳолати мен кутганчалик мустаҳкам эмас. Мен уларга стандарт вазиятларда хушёрроқ бўлиш лозимлигини айтгандим. Чунки рақиб бу томонлама яхши ўйин кўрсатади. Улар бунга ҳақли эди. "Вест Хэм"ни табриклайман".