Моуриньо имкон бермаётган ўйинчини Англияга чорлашяпти

“Рома”да етарлича ўйин амалиётига эга бўлмаётган Матиас Вина фаолиятини Англия чемпионатида давом эттириши мумкин.

Премьер-лига клуби “Борнмут”  Уругвай терма жамоаси сафида Қатардаги жаҳон чемпионатида иштирок этган ҳимоячини ўз сафига чорлаяпти.

Англияликлар Винани мавсум охирига қадар ижарага олмоқчи. Рим клубига 2021 йилнинг ёзида олиб келинган футболчи асосий таркибга киришда Никола Залевски ва Леонардо Спинаццола билан рақобатлаша олмаяпти.

The Daily Mail нашрининг ёзишича, “Борнмут” мутасаддилари “Интер” ҳимоячиси Робин Госенсни қўлга кирита олмаганидан эътибрини Винага қаратди.