Моуриньо "Лестер"га қарши жавоб ўйинида жароҳат олган Мхитарян ўрнига кимни туширади?

“Рома” ўтган ҳафта “Лестер”га қарши бўлиб ўтган УЕФА Конференциялар лигаси ярим финалининг биринчи ўйинида ярим ҳимоячи Генрих Мхитаряндан айрилган эди.

Тахминларга кўра, арманистонлик футболчи мускуллари зўриқиши кузатилган ва у 3 ҳафта майдонга туша олмайди.

Энди бош мураббий Жозе Моуриньо ярим ҳимоя чизиғида Мхитаряннинг ўрнига муқобил футболчи топиши керак.

Il Tempo нашри хабарига кўра, португалиялик мутахассис Римда бўладиган жавоб баҳсида Мхитарян ўрнига Серхио Оливейрани майдонга туширади.

Эслатиб ўтамиз, “Рома” – “Лестер” учрашуви 5 май куни Тошкент вақти билан соат 00:00 да бошланади.