Моуриньо: Мен матбуотни соғиндим
"Рома" бош мураббийи Жозе Моуриньо клуб матбуот хизматига интервью берди. Бу ҳақда унинг ўзи инстаграмдаги саҳифаси орқали хабар берди.
"Мен куляпман, чунки менда рекорд - 40 кун интервью бермадим. Бу мен учун бор эътиборни ишга қаратган ва матбуотдаги дўстларимни унутган ажойиб вақт бўлди. Бугун мен "Рома" матбуот хизматига интервью бердим, буни эртага кўрасиз. Ростини айтсам, у ерда қизиқ нарса йўқ. Мен матбуотни яхши кўраман, уни жуда соғиндим", - деб ёзди Моуриньо.
"Рома" 19 август куни УЕФА Конференциялар лигасида Жозе Моуриньо қўл остидаги биринчи расмий ўйинини ўтказади. Жамоанинг рақиби "Трабзонспор" бўлади.
Фикрлар