Моуриньо мухлисларни сабр қилишга чақирди!

“Рома” бош мураббийи Жозе Моуриньо янги бошланган мавсум ҳақида гапирар экан, жамоа бирор соврин ютишигача мухлисларини сабр қилишга чақирди.

- “Рома” – буюк клуб. Айнан шу кўрсаткич бўйича мен аввал ишлаган клубларга тўғри келади. Лекин лойиҳа тубдан фарқ қилади. Мен “Челси”, “Интер” ва “Реал”га келганимда лойиҳа мақсади битта эди – биринчи кундан ғалаба қозониш. Лекин “Рома” улардан бошқаса вазиятда, жамоа узоқ пайтдан бери ҳеч нарса ютмаган. Ўтган мавсумда “Рома” чемпиондан 29 очко, 4-ўрин соҳибидан 16 очко ортда қолди.

Клуб раҳбариятига янада кўпроқ ўйинчи олишимизни талаб қилиб, босим ўтказиш ваколатим йўқ. Мен қўл остимдаги жамоада борлар билан ишлашим керак. Лекин бизда ҳали трансфер бозорида ишлаш учун вақт бор, - деди Моуриньо.

“Рома” бугун А Сериянинг биринчи турида “Фиорентина”ни қабул қилади. Ўйин Тошкент вақти билан 23:45 да бошланади.