Моуриньо Почеттино таклифини қабул қиладими?

ПСЖни қабул қилиб олган Маурисио Почеттино “Тоттенхэм”дан Деле Аллини олишни истаётганидан хабар топган Жозе Моуриньо истеъдодли футболчини қўйиб юбормаган эди.

Яқинда португалиялик мутахассис ўзи ёқтирмайдиган инглиз футболчисига нисбатан муносабатини ўзгартириб, унга янги имконият беришини маълум қилди.

Ўз навбатида, Почеттино ҳам қадрдон шогирдини Парижга олиб келиш фикридан қайтгани йўқ. У Моуриньога ажойб рокировка таклиф қилмоқда. Унга кўра, аргентиналик мураббий ПСЖдаги шартномаси якунланаётган ва жамоада қолишни истамаган ҳамюрти Анхель ди Марияни  “Тоттенхэм”га юбориб, ўрнига Деле Аллини олишни режалаштирмоқда.

Жозе Моуриньо ҳали ҳамкасбининг бу таклифига жавоб бергани йўқ.