Моуриньо: "Қулай курсиларда ўтириб, клублардан очко олиб қўяётганлар барча жамоаларга бирдек бўлсин"

"Рома" бош мураббийи Жозе Моуриньо "Фиорентина"га қарши ўйиндан сўнг ўз фикрларини билдириб ўтди. Айтишича, у кечаги баҳсда жамоасидан очко олиб қўйилган, деб ҳисоблайди.

"Биз узоқ вақтдан бери А Серияда хакамлар борасида тушунтириш берилишини кутдик. Аммо вақтимиз шунчаки бесамар кетди.

Тан оламан, "Лестер"га қарши оғир ўйиндан сўнг жисмонан ва руҳан рақибдан кучсиз эканимиз билиниб қолди. Бу табиий ҳолат эди.

Мен ливорнолик жаноб Банти (ВАРдаги хакам) дан тушунтириш беришини кутяпман. Ўйинни такроран кўриб чиқдим. Бироқ у ерда қоидабузарлик йўқ эди.

Тўғрисини айтсам, "Рома" билан бўлаётган воқеалар ақлдан ошиб кетди. Банти каби қулай курсиларда ўтириб, клублардан очко олиб қўяётганлар барча жамоаларга бирдек муносабатда бўлишини истайман", - деди португалиялик мутахассис "DAZN" нашрига берган интервьюсида.