Моуриньо “Реал”да фақат худбин бўлмаган футболчиларни ўйнатади

“Реал” жамоасини қабул қилиб олиши кутилаётган Жозе Моуриньо клубнинг ёзги трансфер сиёсати бўйича ўз позициясини билдирди.

Diario AS нашрининг маълумотига кўра, португалиялик мутахассис клуб раҳбариятига таркибни кучайтириш учун юлдуз футболчиларни харид қилишга қизиқмаслигини айтган.

Моуриньонинг таъкидлашича, унга меҳнаткаш, майдонда бор кучини берадиган ва жанговор руҳга эга футболчилар керак.

У шунингдек, қўл остида катта эгога эга бўлмаган футболчиларни кўришни истайди. Мураббий юқори мотивацияли ва жамоавий руҳга эга футболчилар жамоасини шакллантиришни хоҳламоқда.

Энг муҳими, таркибдаги ўйинчилар ким бўлишидан қатъи назар, Моуриньонинг интенсив футбол бўйича талабларига тўлиқ жавоб бериши керак.