Моуриньо Роналдуни "Рома"га таклиф қилмоқда

“Рома” бош мураббийи Жозе Моуриньо “Ювентус” ҳужумчиси Криштиану Роналду билан алоқага чиқди. Бу ҳақда La Stampa нашри хабар тарқатмоқда.

Португалиялик мутахассис “Ювентус”дан кетмоқчи бўлиб юрган ҳамюртининг келажак режалари ҳақида гаплашган. У шунингдек, Роналдуни “Рома”га таклиф қилган.

Қайд этилишича, Роналдунинг "Рома"га ўтиши Европанинг бошқа юқори лигаларига нисбатан Италиядаги қулай солиқ афзалликларини сақлаб қолишга имкон беради.

36 ёшли Роналду жорий мавсум А Серияда 33 та ўйинда майдонга тушди ва ўз ҳисобига 26 та гол ёздириб қўйди. Шу тариқа Роналду чемпионат тўпурарига айланди.

Роналду ўз вақтида "Реал"да Моуриньо қўл остида тўп сурган.