Моуриньо яна бир юлдузни ҳайдаяпти

Одатда, борган жамоасида юлдуз футболчилар билан чиқиша олмайдиган Жозе Моруиньо “Тоттенхэм”да ҳам бу қилиғини давом эттирмоқда. Аввалроқ, португалиялик мутахассис жамоа тарихидаги энг қиммат футболчи Танги Ндомбеле билан келиша олмай қолганди.

Энди Моуриньога “Тоттенхэм”нинг асосий юлдузларидан ҳисобланган Деле Алли ёқмай қолди. Шу сабаб, 2015 йилдан буён лондонликлар клубида садоқат билан ўйнаб келаётган футболчи ёзги трансферлар мавсуми ёпилмай туриб, бошқа жамоага ўтиб кетмоқчи.

Моуриньо АПЛнинг биринчи турида Аллини танаффусда алмаштириб юборди ва кейин Европа Лигаси доирасидаги ўйиннинг қайдномасига киритмади.

Англия терма жамоаси ўйинчисига “Реал”, “Интер” ва ПСЖ каби гранд клублар қизиқиш билдирмоқда.