Мойкано Царукян билан жанг қилишга тайёрми?

UFC енгил вазн тоифасидаги жангчиси Ренато Мойкано(13-2-1) дўсти ва жамоадоши Арман Царукян(16-2) билан жанг қилишга тайёрлигинимаълум қилди.

“Царукянга қарши курашми? Нега йўқ?! Бу шунчаки бизнес. Авваллари мен бу ҳақида бошқача ўйлардим: жамоалар, мураббийлар, шериклар ўртасидаги қарама-қаршилик. Лекин бу мен учун ҳозир муҳим нарса эмас. Бир гиламда машқ қилсак ҳам, мен Арман билан жанг қилавераман. Охирги жангда Арман Дариуш билан жанг қилди. Агар Царукян мендан унга тайёргарлик кўришда ёрдам беришимни сўраса, албатта ёрдам берардим. Чунки Царукяннинг ўрнида мен ҳам шундай қилган бўлардим. Нима бўлганда ҳам шуни айтишим лозимки, мен учун буларнинг барчаси шунчаки бизнес."

Эслатиб ўтамиз, Мойкано ва Царукян America Top Теам спорт залида бирга шуғулланади.