Муай-тай. Жамоамиз Жаҳон чемпионатига тайёргарлик кўрмоқда
Жорий йилнинг 9-21 август кунлари Малайзиянинг Куала-Лумпур шаҳрида муай-тай бўйича ўсмирлар ва ёшлар ўртасида навбатдаги Жаҳон чемпионати баҳслари бўлиб ўтади.
Ҳозирда мамлакатимиз ўсмирлар ва ёшлар терма жамоалари бўлажак мусобақага қизғин ҳозирлик кўришмоқда. Терма жамоа аъзоларининг нуфузли мусобақа олдидан ташкил этган ўқув-машғулотлар йиғинига мамлакатимизнинг муай-тай энг ривожланган марказларидан бири Самарқанд шаҳри мезбонлик қиляпти.
Ўқув-машғулотлар йиғини терма жамоа бош мураббийи Шерзод Шарипов ҳамда катта мураббий Жавоҳир Аҳмеджоновлар раҳбарлигида олиб борилмоқда. Спортчилар кунига икки маҳалдан шуғулланишиб, жаҳон чемпионати олдидан ўз тайёргарликларини маромига етказишмоқда.
Мақсад – Жаҳон чемпионатида муносиб иштирок этиш ва Ўзбекистон байроғини янада юқориларга кўтариш.
Ўзбекистон Республикаси Спортни ривожлантириш вазирлиги матбуот хизмати
Фикрлар