Muay-tay. Jamoamiz Jahon chempionatiga tayyorgarlik ko‘rmoqda
Hozirda mamlakatimiz o‘smirlar va yoshlar terma jamoalari bo‘lajak musobaqaga qizg‘in hozirlik ko‘rishmoqda. Terma jamoa a’zolarining nufuzli musobaqa oldidan tashkil etgan o‘quv-mashg‘ulotlar yig‘iniga mamlakatimizning muay-tay eng rivojlangan markazlaridan biri Samarqand shahri mezbonlik qilyapti.
Joriy yilning 9-21 avgust kunlari Malayziyaning Kuala-Lumpur shahrida muay-tay bo‘yicha o‘smirlar va yoshlar o‘rtasida navbatdagi Jahon chempionati bahslari bo‘lib o‘tadi.
O‘quv-mashg‘ulotlar yig‘ini terma jamoa bosh murabbiyi Sherzod Sharipov hamda katta murabbiy Javohir Ahmedjonovlar rahbarligida olib borilmoqda. Sportchilar kuniga ikki mahaldan shug‘ullanishib, jahon chempionati oldidan o‘z tayyorgarliklarini maromiga etkazishmoqda.
Maqsad – Jahon chempionatida munosib ishtirok etish va O‘zbekiston bayrog‘ini yanada yuqorilarga ko‘tarish.
O‘zbekiston Respublikasi Sportni rivojlantirish vazirligi matbuot xizmati
Fikrlar