Мудрик: "Биз "Уэмбли"га ғалаба қозониш учун борамиз"

Украина терма жамоаси ярим ҳимоячиси Михайло Мудрик 2024 йилги Европа чемпионати саралаш ўйини доирасида "Уэмбли"да бўлиб ўтадиган Англияга қарши бўлажак ўйин ҳақида умидлари билан ўртоқлашди.

"Биз "Уэмбли"га яна бир ўйин учун борамиз, биз ғалаба қозонишни хоҳлаймиз. Агар биз уч очко олишни истасак, қаттиқ ишлашимиз керак. Агар дуранг учун борсак, ғалаба қозониш қийин бўлади", деди Мудрик "Sky Sports" нашрига берган интервьюсида.

Эслатиб ўтамиз, 2022 йилнинг январь ойидан бери Мудрик Лондоннинг "Челси" клуби таркибида Англияда яшаб, ўйнаб келмоқда.