Muhammad Hassan:"Namangandagi muxlislar meni hayron qoldirdi"

 Shri Lanka terma jamoasi bosh murabbiyi Muhammad Hassan uchrashuvdan so‘ng o‘z fikrlarini bildirib o‘tdi:

— Bugungi o‘yin va hisobdan qoniqdim. Chunki bizga qarshi Osiyoning gigantlari maydonga tushishdi. O‘zbekiston bizdan ancha kuchliligini bilardik. Lekin oxirigacha rejamizdan chekinmaslikka harakat qildik. So‘nggi daqiqalargacha kurash olib borgan shogirdlarimga rahmat aytmoqchiman.

Ayniqsa, bugun darvozabonimiz ajoyib o‘yin ko‘rsatib, bir necha bor xavfli vaziyatlarni bartaraf etdi. Bundan tashqari, shuni alohida aytishim kerak bu erdagi muxlislar meni hayron qoldirdi. Bunday atmosferada futbol o‘ynash har doim yoqimli hisoblanadi.