Муҳаммад Салоҳ “Барса”га бажарилмас талаб қўйди

“Ливерпуль” ҳужумчиси Муҳаммад Салоҳ кейинги мавсум якунлангач, эркин агент сифатида “Барселона”га ўтиши ҳақида хабарлар тарқатилганди.

Мисрлик футболчи ўзига оғиз солаётган каталонияликларга асосий талабларини айтиб ўтди.

Diario AS нашрининг хабар беришича, Муҳаммад салоҳ бир мавсум учун камида 17 миллион евро маош сўраяпти.

Трансферлар оламини кузатиб бораётган мутахассислар Каталония клуби мутасаддилари бу шартга кўнмаслигини таъкидламоқда. Чунки “Барселона” раҳбарияти ҳамон давом этаётган молиявий инқироз туфайли энг катта маош 10 миллион евродан ошмаслиги ҳақида қарор қабул қилган.