Муҳаммад Салоҳ бедаво дардга чалинган дўстини унутгани йўқ

Англия премьер-лигасининг биринчи турида “Лидс” дарвозасига учта гол киритиб, “Ливерпуль”нинг 4:3 ҳисобидаги ғалабасини таъминлаган Муҳаммад Салоҳ одамгарчилик қандай бўлишини кўрсатиб қўйди.

Салоҳ голларидан бирини Миср терма жамоасидаги дўсти Мўмин Закария усулида нишонлади. Закария 2018 йилдан буён футбол ўйнамаяпти. Унда ёнтомонлама амиотрофик скелероз аниқланган. Бу хасталик нерв тизимини ишдан чиқариб, одамни фалажликка олиб боради ва ҳозирги кунда бу дарднинг давоси топилмаган.  

Бундан бир йил муқаддам худди шу касаллик оқибатида “Зенит” таркибида ўйнаган Фернандо Риксен ҳаётдан кўз юмган эди. Унда бу касаллик 2013 йилда аниқланганди.