Muhammad Saloh bu taklifni qabul qiladimi?

“Liverpul” asosiy to‘purari Muhammad Salohga yangi shartnoma taklif qiladi.

Manbalarning xabariga ko‘ra, liverpulliklar misrlik hujumchiga haftasiga 350 ming funt to‘lanadigan yangi bitim beradi. Agar Muhammad Saloh uni qabul qilsa, 2026 yilning yozigacha “Liverpul”da qoladi.

Yurgen Klopp qo‘l ostida Angliya chempionligi va Chempionlar ligasi bosh sovrinini qo‘lga kiritgan Muhammad Saloh yaqinda ham Ispaniya chempionatiga ko‘chib o‘tish niyati borligini bildirgandi. Unga “Real” va “Barselona” ish berishga tayyor.

Misrlik to‘purar joriy mavsumda 9 ta uchrashuvda to‘qqizta gol va uchta golli pas muallifi bo‘ldi hamda jamoasining muvaffaqiyatlariga katta hissa qo‘shmoqda.