Муҳаммад Салоҳ футболдан қачон кетишини айтди

“Ливерпуль”нинг бугунги кундаги энг зўр тўпурари Муҳаммад Салоҳ мавсум якунланиши арафасида клуб билан икки йиллик шартнома тузди.

Шунга қарамай, мисрлик ҳужумчи фаолиятини қачон якунлаши ҳақидаги саволларга жавоб беришига тўғри келмоқда.

- Ўзим 39 ёки 40 ёшгача футбол ўйнай оламан, деб ўйлайман. Аммо, агар футболдан кетиш вақтим келганини ҳис қилсам, эртароқ ҳам якунлашим мумкин. Мен футболда кўп нарсага эришиб бўлдим.

Аслида “Ливерпуль” билан шартномам якунига етиб қолган эди ва мен Саудия Арабистони чемпионатига кетишга яқин тургандим. Сўнгги паллада клубим билан келишув амалга ошди, - деди Муҳаммад Салоҳ.

2017 йилдан бери “қизллар” шарафини ҳимоя қилаётган мисрлик ҳужумчи жамоа таркибида иккинчи бор Англия чемпиони бўлди. Бу мавсумда Салоҳ барча турнирларда 52 та учрашув ўтказиб, 34 та гол ва 23 та ассист муаллифи бўлди.