Муҳаммад Салоҳ қайси жамоага ўтиши айтилди

Бугунги кунда жаҳоннинг энг зўр футболчиларидан бири сифатида эътироф этилаётган Муҳаммад Салоҳ фаолиятини Италия чемпионатида давом эттириши мумкин.

Нуфузли манбалардан бири – El Nacional нашри 32 ёшли тўпурарни “Интер” жамоаси ўз сафига қўшиб олишга яқин экани ҳақида маълимот чиқарди.  

Маълумотларга қараганда, Салоҳнинг манфаатларини ҳимоя қилаётган агентлар Европанинг бир неча жиддий клублари билан музокаралар ўтказиб бўлган. Улар орасида “Интер” ҳам бор.

Миланликлар Маҳаммад Салоҳни келаётган ёзда, ўйинчининг “Ливерпуль” билан амалдаги шартномаси якунланганидан кейин эркин агент сифатида трансфер қилмоқчи.

“Интер” мутасаддилари тажрибали ҳужумчи жамоанинг ўйин услубига идеал даражада мос тушиши ва клубда унга асосий юлдуз мақоми берилишини таъкидлаяпти.

Муҳаммад Салоҳга А Серия бегона эмас. У “Ливерпуль”га кўчиб ўтгунга қадар “Рома” шарафини муносиб ҳимоя қилган эди.