Muhammad Saloh yangi topshiriq oldi

Misr olimpiya terma jamoasi bosh murabbiyi Shavqi G‘arib “Liverpul” hujumchisi Muhammad Salohni kelasi yili Tokioda bo‘ladigan Olimpiya o‘yinlariga jalb qilishini bildirdi.

- Bizda Muhammad Salohdek buyuk futbolchi bor va uni terma jamoamizga jalb etish bo‘yicha muzokaralar muvaffaqiyatli yakunlanishiga ishonchimiz komil. Biz bo‘lajak Olimpiadada Saloh bilan birga qatnashmoqchimiz, - dedi Shavqi G‘arib.

Ma’lumki, yozgi Olimpiya o‘yinlarining futbol musobaqalarida 23 yoshgacha bo‘lgan futbolchilar ishtirok etadi. Biroq, har bir terma jamoasi 23 yoshdan katta bo‘lgan uch nafar o‘yinchi xizmatidan foydalanishi mumkin.