Муҳаммад Салоҳ янги топшириқ олди

Миср олимпия терма жамоаси бош мураббийи Шавқи Ғариб “Ливерпуль” ҳужумчиси Муҳаммад Салоҳни келаси йили Токиода бўладиган Олимпия ўйинларига жалб қилишини билдирди.

- Бизда Муҳаммад Салоҳдек буюк футболчи бор ва уни терма жамоамизга жалб этиш бўйича музокаралар муваффақиятли якунланишига ишончимиз комил. Биз бўлажак Олимпиадада Салоҳ билан бирга қатнашмоқчимиз, - деди Шавқи Ғариб.

Маълумки, ёзги Олимпия ўйинларининг футбол мусобақаларида 23 ёшгача бўлган футболчилар иштирок этади. Бироқ, ҳар бир терма жамоаси 23 ёшдан катта бўлган уч нафар ўйинчи хизматидан фойдаланиши мумкин.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар