Муҳаммад Салоҳни олиб келмасак бўлмайди!

Айрим учрашувларда “Барселона” ҳужум чизиғи панд бериб қўймоқда. Хави жамоасида мунтазам гол урадиган тўпурар йўқ. Аввал бу вазифани Лионель Месси бир неча мавсумлар давомида уддалаб келган.

Ана шу мақсадда каталонияликлар ёзда тўпурар ҳужумчини трансфер қиладиган бўлди. Хави келадиган ўйинчи Муҳаммад Салоҳ бўлишини истаяпти.

Мисрлик ҳужумчи ҳали “Ливерпуль” билан янги битим бўйича келишувга эришгани йўқ. Юрген Клопп жамоасининг ҳужум учлиги – Муҳммад Салоҳ, Садио Мане ва Роберто Фирминога янги шартнома берилишини талаб қиляпти. Ҳар учала ҳужумчининг амалдаги келишуви келаси мавсум охирида якунланади.

29 ёшли Салоҳ илгари бир неча маротаба Испания чемпионатида тўп тепишни орзу қилаётганини таъкидалагани каталонияликларда унинг “Барселона”га келишига умид уйғотмоқда.