Мундиал бонуслари: футболчининг ҳозирги ва собиқ клублари қанча улуш олади?

АҚШ, Канада ва Мексика мезбонлик қиладиган Жаҳон чемпионати бошланишига саноқли кунлар қолди.

Мундиалда иштирок этадиган футболчилар учун уларнинг клубларига ФИФА томонидан компенсация маблағи тўланади. Футбол эксперти Алишер Никимбаевнинг маълум қилишича, ушбу маблағ футболчининг сўнгги икки йил ичида тўп сурган клублари ўртасида тақсимланади.

Масалан, агар футболчи 2024 йилдан 2026 йилнинг қишигача А клубида ўйнаб, кейин Б клубига ўтган бўлса, компенсация маблағининг 75 фоизи А клубга, 25 фоизи эса Б клубга берилади.

Бунинг ёрқин мисоли сифатида Абдуқодир Ҳусановни келтириш мумкин. Ҳимоячи 2026 йил қишида "Ланс"дан "Манчестер Сити"га кўчиб ўтган. Шу боис, Жаҳон чемпионати учун ажратиладиган маблағнинг 75 фоизи "Манчестер Сити"га, 25 фоизи эса "Ланс"га тегади.

Маълумот учун, ФИФА ҳар бир футболчи учун унинг клубига кунига тахминан 11 минг доллар миқдорида компенсация тўлайди.