Мундиал йўлланмасини аллақачон нақд қилган икки терма жамоа иштирокидаги ўйинлар якунига етди

"ЖЧ-2022" саралаши Европа минтақасидан ўрин олган бир қатор учрашувлар якунига етди. 

Уэльс майдонига сафар уюштирган Бельгия бу турда 1:1 ҳисобида дуранг натижа қайд этди. Баҳснинг 12-дақиқасида меҳмонлар футболчиси Де Брюйне ҳисобни очган бўлса, 32-дақиқада Мур мувозанатни тиклади ва ўйинда бошқа ҳисоб ўзгармади. 

Қайд этиш жоиз, Роберто Мартинес шогирдлари бир тур аввал жаҳон чемпионат йўлланмасини қўлга киритганди. 



Финляндия майдонига сафар қилган французлар 2:0 ҳисобида рақибдан устун келди. Голларга Карим Бензема ва Килиан Мбаппе муаллифлик қилди. 

Шу тариқа, Франция ўзи жой олган "D" гуруҳида биринчи ўринни эгаллади ва мундиал йўлланмасини қўлга киритди. 

Фикрлар

Фикр қолдириш учун авторизациядан ўтинг!