Мундиалда битта гол урган осиёлик футболчини АПЛ клублари чақиряпти

Франциянинг «Реймс» клуби ва Япония терма жамоаси вингери Кейто Накамура Англия Премьер-лигасининг бир қатор клублари диққат марказига тушди.

BBC маълумотига кўра, 26 ёшли футболчи ёзда 21,5 миллион фунт стерлинг эвазига клубини тарк этиши мумкин.

Накамура ўтган мавсум «Реймс» сафида 14 та гол уриб, жамоанинг энг яхши тўпурари бўлган. Шунингдек, у жаҳон чемпионатида биттадан гол ва ассист қайд этиб, Opta талқинига кўра гуруҳ босқичининг рамзий жамоасидан жой олган.

Ҳозирда япониялик маҳоратли футболчига «Эвертон», «Борнмут» ва «Фулхэм» клублари жиддий қизиқиш билдирмоқда.