Мурод Тўйчибоев: "Оқ-тепа" жамоавий ўйин эвазига ғалаба қозонди"

ПФЛ Кубоги - 2019 мусобақасининг чорак финалидан ўрин олган "Зомин" - "Оқ - тепа" (1:2) учрашувидан сўнг, тошкентликлар ҳимоячиси Мурод Тўйчибоев Sports.uz интернет порталига ўз фикрларини билдириб ўтди.

- Бугунги ўйин бироз қийин бўлди. Бунга сабаб "Зомин" жамоаси анчадан бери ПРО - лигада мунтазам ўйнаб келаётгани ва тажрибаси борлиги деб ўйлайман. Биринчи бўлимда "Оқ-тепа"да гол уриш учун кўплаб имкониятлар бўлди. Биз эса шундан атига 1тасини голга айлантира олдик.

- Сизнингча, "Оқ-тепа" ниманинг эвазига ғалаба қозонди?

- Мураббийимизнинг берган тўғри кўрсатмаларининг эвазига дея оламан. Биз пенальтилар сериясига ҳам тайёр эдик. Бунга қадар мураббий кўрсатмасига биноан, жамоавиий ўйин намойиш қилиб, ўз мақсадимиз сари интиликд ва якунда қўшимча бўлимда ғалаба тўпини киритишга муваффақ бўлдик.

- Жамоангизнинг ушбу мусобақада иштирок эттишидан асосий мақсади нимадан иборат?

- Биз бир мақсад сари интилмоқдамиз. Бу турнирда ажойиб ўйинлар намойиш этиш ва "А" гурухига бериладиган йўлланмани қўлга киритишдир. Шу орқали биз "Оқ-тепа"нинг аввалги мавқеини тиклаш ниятидамиз.

- Эндиликда "Оқ-тепа" финалга йўлланма олиш учун яна бир муҳим баҳсда иштирок этади. Ярим финалда "Янгиер" билан баҳс бўлиб ўтади. Ушбу ўйин олдидан қандай фикрдасиз?

- Қизиқарли ўйин бўлади. Биз бу ўйинга жиддий тайёргарлик кўрамиз ва ғалаба қозониш учун ҳаракат қиламиз. Ишонаманки, "Оқ-тепа" мазкур ўйинда "Янгиер" устидан ғалаба қозона олади.