Мурод Холмуҳаммедов "Қўқон-1912"нинг юбилей голи муаллифига айланди

Аввал хабар бериб ўтганимиздек, жорий мавсум Қўқон футболи учун муҳим ҳодисаларга бой бўлмоқда. 2017 йилда қўқонлик мухлислар бир қатор тарихий воқеалар шоҳидига айланишди.  

Жорий йилда "Қўқон-1912" Қўқон футболи тарихига янги саҳифаларни очиб бермоқда. Бухорода ўйинда жамоа олий лигадаги 368-учрашувни ўтказди. “Навбаҳор” билан бўлиб ўтган баҳсда чемпионатдаги юбилей 450-очко қўлга киритилган бўлса, навбатдаги баҳсда яна битта тарихий воқеага гувоҳи бўлдик. Бу ҳақад клуб расмий сайти хабар бермоқда.

Манбанинг маълум қилишича, шу кунга қадар “Қўқон-1912” футболчилари чемпионат доирасидаги баҳсларда рақиблари дарвозасига 498 та гол киритишганди. Бухорода 500-довон ҳам забт этилди. Юбилей голга клуб етакчиси Мурод Холмуҳаммедов муаллифлик қилди.