Murod Xolmuhammedov "Qo‘qon-1912"ning yubiley goli muallifiga aylandi

Avval xabar berib o‘tganimizdek, joriy mavsum Qo‘qon futboli uchun muhim hodisalarga boy bo‘lmoqda. 2017 yilda qo‘qonlik muxlislar bir qator tarixiy voqealar shohidiga aylanishdi.  

Joriy yilda "Qo‘qon-1912" Qo‘qon futboli tarixiga yangi sahifalarni ochib bermoqda. Buxoroda o‘yinda jamoa oliy ligadagi 368-uchrashuvni o‘tkazdi. “Navbahor” bilan bo‘lib o‘tgan bahsda chempionatdagi yubiley 450-ochko qo‘lga kiritilgan bo‘lsa, navbatdagi bahsda yana bitta tarixiy voqeaga guvohi bo‘ldik. Bu haqad klub rasmiy sayti xabar bermoqda.

Manbaning ma’lum qilishicha, shu kunga qadar “Qo‘qon-1912” futbolchilari chempionat doirasidagi bahslarda raqiblari darvozasiga 498 ta gol kiritishgandi. Buxoroda 500-dovon ham zabt etildi. Yubiley golga klub etakchisi Murod Xolmuhammedov mualliflik qildi.