Муса Аймуратов ва Зуҳриддин Қодиров жаҳон чемпионатининг саралашидан муваффақиятли ўтишди

Тбилиси шаҳрида қиличбозлик бўйича жаҳон чемпионати баҳслари давом этмоқда. Дастурга кўра, бугун Ўзбекистон терма жамоаси аъзолари шпага ва саблья дастурларида баҳс олиб боришади.

Ортда қолган кун саблья бўйича кечган эркаклар ўртасидаги саралаш баҳсларида Муса Аймуратов ва Зуҳриддин Қодиров муваффақиятли қатнашиб, медаллар учун курашни давом эттирадиган бўлишди. Бугун Аймуратов 1/32 финалда франсиялик Максим Пянфеттига, Қодиров эса венгриялик Андрас Затмарига қарши жанг қилади.

Шунингдек, шпагачи қизларимиз жамоавий дастурда ўз омадларини синаб кўришади. Улар 1/16 финалда Швейсарияга қарши баҳс ўтказиши кўзда тутилган.