Мухаммадқодир Абдуллаев Қаршида мастер-класс намойиш этди

Бокс бўйича биринчи Олимпиада чемпиони, Ўзбекистон ифтиҳори Мухаммадқодир Абдуллаев Қарши шаҳри ҳокимлиги ташаббуси билан ўтказилган ёшлар тадбирида иштирок этди. Қашқадарё вилоятининг маъмурий марказидаги банк коллежида ёшлар билан учрашди. Учрашувга "Темурбеклар" ҳарбий мактаби ва коллежи тарбияланувчилари ҳамда бокс тўгараклари аъзолари таклиф этилди. Ушбу тадбирда бир қатор эътиборга молик мавзуларда чемпионимиз келажак авлодга ўз маслаҳатларини берди. Якунда,уларга ўзига ҳос мастер-класс ҳам намойиш этиб берди.