Мухлислар Премьер-лига ўйинларини стадиондан кўриш имкониятига эгалар

Истеъмолчиларнинг ҳуқуқларини ҳимоя қилиш ва инсон фаровонлигини назорат қилиш федерал хизмати Россия Премьер-лигаси билан 21 июнь кунидан давом эттириладиган чемпионат баҳсларини мухлислар билан ўтказиш имконияти тўғрисида келишиб олди.

Унга кўра, стадион трибуналари максимал 10 фоиз тўлдирилиши мумкин. Хабар беришларича, "Зенит", "Спартак", ЦСКА ва "Краснодар" жамоалари ўйинларни томошабинлар билан ўтказиш истагини билдирган.

Маълумот учун, Россияда айни вақтга қадар COVID-19 билан 379 051 та, охирги суткада эса 8,371 та янги ҳолат қайд этилган. Беморларнинг 150 993 таси мазкур дарддан фориғ бўлган, 4 142 киши эса вафот этди.