Мхитарян Римда қолиши мумкин

Римнинг "Рома" клуби ёзда "Арсенал"дан ижарага олинган ярим ҳимоячи Генрих Мхитарянни таркибда сақлаб қолмоқчи.

Football Italia ва Gazzetta dello Sport нашрлари тарқатган хабарга қараганда, "бўрилар" 31 ёшли арманистонлик футболчининг трансферини "канонирлар"дан тўлиқ сотиб олишмоқчи. Айтиш керакки, томонлар ўртасида имзоланган ижара шартномасига кўра, "Рома" мавсум якунлангач, Мхитарянни 25 млн евро эвазига тўлиқ сотиб олиш ҳуқуқига эга.

Генрих Мхитарян жорий мавсум "Рома" сафида 17 та ўйинда майдонга тушди ва ўз ҳисобига 6 та гол ҳамда 3 та голли узатма ёздириб қўйишга эришди.