МЮ афсонаси клубни жиддий танқид қилди

"Манчестер Юнайтед" собиқ футболчиси Рой Кин  дербидаги мағлубиятдан сўнг "қизил иблислар"ни танқид остига олди. Айтишича, жамоадагилар ўйин тугамасдан олдин рақибга таслим бўлганини билдириб қўймоқда.

"Ҳозирги МЮ учун  энг ёмони - охиригача курашмаслик. Ҳар қандай ўйинчининг дербида таслим бўлганини кўришдан-да оғирроқ ҳолат бўлмаса керак. 

Авваллари "Юнайтед"да ўйнаган футболчилар ютқазишни тасаввур ҳам қилишмасди. Агар ютқазиб қўйса ҳам улар буни қабул қила олмасди.

Айни пайтда таркибда 5-6 та футболчи умуман жамоага лойиқ эмас. Улар бунақа ҳаракатлари билан бу клубда тўп тепмаслиги керак", - деди англиялик афсонавий футболчи.