MYu Antoni bo‘yicha takliflarni eshitishga tayyor

"Manchester Yunayted" yozda Antonini sotishi mumkin. 

"Qizil iblislar" vingerni 2022 yilning avgustida "Ayaks"dan 95 million evro evaziga o‘z safiga qo‘shib olgandi. "Daily Mail" xabariga ko‘ra, "Yunayted" yozda 24 yoshli braziliyalik yarim himoyachi bo‘yicha takliflarni tinglashga tayyor. 

Mankunialiklar u uchun sarflagan pulining yarmini ham qaytarishi qiyin masala. Biroq Antonining o‘yinidan klubning ko‘ngli qolganini inobatga olsak, klub uni kamroq summaga ham sotishi mumkin. 

Joriy mavsumda braziliyalik 26 ta o‘yinda maydonga tushib, 1 ta gol urdi va 1 ta golli uzatmani amalga oshirdi.