МЮ "Брентфорд"га қарши энг ёш таркибини майдонга туширди

Якшанба куни "Манчестер Юнайтед" сафарда "Брентфорд"га қарши ўйин ўтказди. Учрашувда "қизил иблислар" 4:3 ҳисобида мағлуб бўлишди. Қизиғи шундаки, Рубен Аморим мазкур баҳс учун кутулмаган таркибни майдонга ташлади.

Opta аналитик дастурининг маълумотларига кўра, "Манчестер Юнайтед"нинг асосий таркибидаги футболчиларнинг ўртача ёши 22 ёш ва 270 кунни ташкил этган. Бу Англия Премьер-лигаси тарихидаги учинчи энг ёш таркиб ҳисобланади.

Бунгача фақат "Арсенал" (22 ёш ва 237 кун, 2009-йил май ойида "Портсмут"га қарши) ва "Мидлсбро" (20 ёш ва 181 кун, 2006-йил майда "Фулхем"га қарши) ёшроқ таркиб билан ўйнаган экан.

Ўттиз бешта турдан сўнг, МЮ Англия чемпионатида 39 очко тўплаган ҳолда 15-ўринни банд этиб турибди. Жамоанинг навбатдаги учрашуви 9 май куни Европа лигаси ярим финалидан ўрин олган "Атлетик Билбао"га қарши жавоб учрашуви бўлади.  Биринчи ўйинда манчестерликлар меҳмонда йирик 3:0 ҳисобида ғалаба қозонишган.