МЮ дарвозасини ким қўриқлайди?

“Манчестер Юнайтед” раҳбарияти асосий дарвозабон Давид де Хеа ўйинидан қониқмаганлиги ортидан Дин Хендерсонга имконият беришга қарор қилди. 23 ёшли Хендерсон ўтган мавсумда “Шеффилд” таркибида ижара асосида ўйнади ва ишончли ҳаракатлари билан қатор клублардан таклиф олмоқда.

Манчестерликлар ёш дарвозабонга беш йиллик янги шартнома таклиф қилмоқчи. Унинг амалдаги шартномаси якунланишига яна икки йил бор.

Хендерсоннинг ўзи клуб раҳбариятини агар асосий таркибдан жой олмайдиган бўлса, бошқа клублар таклифини қабул қилиши ҳақида огоҳлантирган. Хендерсон жорий мавсумда АПЛда 36 та учрашувдан саккизтасида ўз дарвозаси дахлсизлигини сақлаб қолди.