“MYu”: Endi bu futbolchilarimiz yuqori darajada o‘ynay olmaydi

“Manchester Yunayted” yozda jamoani tark etishi talab etiladigan futbolchilar ro‘yxatiga Rafael Varan va Meyson Mauntni ham kiritdi.

30 yoshli frantsiyalik himoyachi 2021 yili “Real”dan transfer qilingan. Erik ten Xag kelganidan beri Varan asosiy tarkibga kirishga qiynalib qoldi. Futbolchi bu holatga norozilik ham bildirdi.

Meyson Maunt Angliyaning eng yorqin iste’dod egalaridan biri hisoblanar edi. “Chelsi”da ishlari kutilganidek ketmaganidan keyin faoliyatini o‘nglash maqsadida o‘tgan yoz “Manchester Yunayted”ga ko‘chib o‘tdi.

Erik ten Xag Maunt jamoada asosiy figuraga aylanishini kutgandi. Amalda unday bo‘lib chiqmadi. Endi klub har ikki futbolchi o‘rnini boshqa ijrochilar bilan to‘ldirish uchun ularning xizmatidan voz kechmoqda.