МЮ етакчиси фаолиятини МЛСда давом эттириши мумкин

"Манчестер Юнайтед" ярим ҳимоячиси Каземиро фаолиятини Американинг МЛС лигасида давом эттириши мумкин. Бу ҳақда "DailyMail" нашри маълум қилди.

Манбада берилган маълумотга кўра, бразилиялик футболчининг хизматларига Американинг "Лос-Анжелес Гэлакси" клуби қизиқиш билдирмоқда. Хавбекни МЛСга кўчиб ўтиши ёзда амалга ошиши мумкин. Томонлар ҳозирда келишувни трансфер ойнасига қадар тайёрлаш учун босқичма-босқич музокаралар олиб бормоқда.  

Маълумот учун, яқинда 33 ёшли хавбек ёзда жамоани тарк этишини маълум қилганди. Ярим ҳимоячи жорий мавсум "қизил иблислар" сафида 23 та учрашувда майдонга тушиб, 5 та гол ва 2 та голли узатмани ўз номига ёздириб қўйишга эришди.