МЮ футболчиси Лондонда қолиши мумкин

"Вест Хэм"да ижара асосида тўп сураётган Жесси Лингард ёзда "Манчестер Юнайтед"ни тарк этиши мумкин.

Лондонликлар 28 ёшли футболчининг ижараси учун 1,5 миллион фунт тўлайди. Шунингдек, "болғалилар" уни 15 миллион еврога сотиб олиш бўйича таклиф билан чиққан эди, бироқ МЮ тўлақонли трансфер ишларини мавсум сўнггига қолдирган эди.

Энди "Манчестер Юнайтед" "Вест Хэм"да дебютини жуда яхши бошлаган Лингарднинг трансферини 20 миллион фунтга баҳоламоқда. Шунингдек, Лингард Лондон клуби ярим ҳимоячиси Деклан Райснинг МЮга трансферида ҳам иштирок этиши мумкин.

Жорий мавсумда англиялик футболчи "Вест Хэм" сафида 5 та ўйинда 3 та гол киритиб, 1 та голли узатма берди.