МЮ футболчиси Рангникнинг гапларига жавоб берди

АПЛ доирасидан ўрин олган "Астон Вилла" - МЮ учрашувидан сўнг меҳмонлар бош мураббийи Ральф Рангник футболчи Антони Марсьяль ҳақида фикр билдирганди.

"Марсьяль жамоадан кетмоқчи. У ортиқ биз билан бирга бўлишни истамаяпти. Шунинг учун биз уни кечаги ўйин қайдномасига киритмадик", - деган эди Рангник.

Бугун эса мураббийга жавобан футболчи ижтимоий тармоқдаги саҳифасига пост қўйди.

"Мен асло МЮни рад этмаганман. 7 йилдан буён жамоа ичидаман ва аниқ айта оламанки, ҳеч қачон клуб ҳамда унинг мухлисларига ҳурматсизлик қилмаганман. Қилмайман ҳам", - дейди француз.

Ҳужумчи жорий мавсум 7 баҳсда битта гол уришга муваффақ бўлди.