МЮ футболчисининг юлдузли онлари бир сонияда сўнган

“Манчестер Юнайтед”нинг собиқ ярим ҳимоячиси Нани 2010 йилда “Фулхэм”га қарши ўйиндан кейин бош мураббий Алекс Фергюсон уни ва Гиггзни таъзирини берганини эсга олди.

- Ўша ўйинда зўр ўйнадим ва ўзимга ишончим юқори эди. Биз пенальти ишладик. Уни Райан Гиггз тепиши керак эди. Мен ўзимни кўрсатиш учун тўпни олдим. Гиггз индамади. Гол уролмадим, - дейди Нани.

Ўйин 2:2 ҳисоби билан якунланганидан кейин воқеанинг қизиғи кийим алмаштириш хонасида бўлган.

Сэр Алекс “Нани сен кимсан ўзи? Пенальти тепишингга ким рухсат берди? Райан сен нега унинг пенальти тепишига  йўл қўйдинг?”, - деб Райан иккиламизга роса бақирган, деб эслайди Нани.

Унинг айтишича, шу воқеадан кейин мураббийдан росмана қўрқиб қолган экан.