MYu katta transferni uddalamoqda

“Manchester Yunayted” rahbariyati yozgi transferlar davrida tarkibni keskin kuchaytirishga harakat qilmoqda.

Ushbu klub mutasaddilari tez orada “Vulverxempton” yarim himoyachisi Ruben Nevesh transferini ijobiy hal qiladi.

24 yoshli portugaliyalik futbolchi “Arsenal” taklifini rad etdi va manchesterliklardan yangi  uzoq muddatli shartnoma kutmoqda.

Ule-Gunnar Sulsher aslida maydon markazida Deklan Raysni o‘ynatmoqchi edi. Biroq, bu transfer murakkablashib ketayotgani bois, e’tiborini Ruben Neveshga qaratdi.

“Vulverxempton” mahoratli yarim himoyachisini 35 million funtga baholamoqda. Tez orada  “Manchester Yunayted” rasmiy taklif yuborishi kutilyapti.